Plantun de Prouvènço

Pèr coumpara dos planto d'encò nostre

Prunus avium & Molinia caerulea subsp. arundinacea

Cereisié-fèr

Prunus avium

Rosaceae

Àutri noum : Cereiras, Piéucère, Grifaudié.

Nom en français : Merisier.

Descripcioun :
Lou cereisié-fèr trachis dins li bos fres. Es esta peréu planta. Se recounèis l'ivèr à sa rusco que se lèvo en anèu, la primo e l'estiéu à si gràndi fueio emé de glando roujo sus lou pecou e de segur i cerieso.

Usanço :
Li cerieso soun evidentamen manjadisso coum'acò o d'ùni biais. Se li co soun couneigudo pèr faire pissa, se saup mens que li fueio podon servi pèr sougna li plago. P. Lieutaghi raporto que dins lis annado de 1930, se sougnavo li plago di chivau emé d'emplastre de fueio boulido (P. Lieutaghi, op.cit. p. 149).

Port : Aubre
Taio : 3 à 20 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Prunus
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 12 à 30 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Abriéu à mai

Liò : Bos fres - Baragno
Estànci : Mesoumediterran à Mountagnard
Couroulougi : Paleoutemperado
Ref. sc. : Prunus avium (L.) L., 1755

Coutelino

Molinia caerulea subsp. arundinacea

Poaceae Graminaceae

Àutri noum : Erbo-dóu-tai, Erbo-de-tai.

Noms en français : Canche élevée, Molinie faux roseau.

Descripcioun :
La coutelino es uno grando planto que pòu agué mai d'un mètre d'aut e que fai de gròssi mato. Li cambo soun duro, li fueio larjo e coupanto alor que lis espigueto, à 2 o 3 flour, soun pichouneto. Sa lengueto (ligulo) èi facho d'un renguiero de péu. La subsp. arundinacea a de fueio mai larjo (8 à 12 mm) e peréu si lemma soun mai longo (4,5 à 6,5 mm) e pu pounchudo que lou tipe caerulea. Coumpara emé la subsp. caerulea que ié sèmblo.

Usanço :
La coutelino s'acampo pèr la banastarié, pèr faire d'ùni causo pulèu menudo.

Port : Grando erbo
Taio : 0,5 à 1,5(2,5) m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Molinia
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) enflourejado : 30 à 50 cm
Flourido : Printèms - Estiéu

Sòu : Ca
Autour basso e auto : 0
Aparado : Noun

Liò : Ribiero - Prado umido
Estànci : Termoumediterran à Mountagnard
Couroulougi : Éuropenco-Caucasiano
Ref. sc. : Molinia caerulea subsp. arundinacea (Schrank) K.Richt., 1890

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Prunus avium & Molinia caerulea subsp. arundinacea

Coumpara Cereisié-fèr emé uno autro planto

Coumpara Coutelino emé uno autro planto